„ქართული ოცნება“ ერთი მხრივ სიტუაციის გართულების პრევენციას ახდენს, ამვდროულად პირდაპირ ეუბნება საზოგადოებას, რაზე წამსვლელები არიან რადიკალური ჯგუფები – ლევან ნიკოლეიშვილი

318
წაკითხვა/ნახვა
IMG.GE

აბსოლუტურად მართებულია, „ქართული ოცნების“ პოზიცია: ერთი მხრივ სიტუაციის გართულების პრევენციას ახდენს და ამავდროულად პირდაპირ და დაუფარავად ეუბნება საზოგადოებას თუ რაზე წამსვლელები არიან რადიკალური ჯგუფები, – ამის შესახებ ექსპერტი ლევან ნიკოლეიშვილი სოციალურ ქსელში წერს.

მისი თქმით, საზოგადოებამ უნდა იცოდეს, თუ რა შესაძლო სცენარის განვითარება სურთ რადიკალებსა და მათ ე.წ. მედია საშუალებებს.

„აბსოლუტურად მართებულია, „ქართული ოცნების“ პოზიცია: ერთი მხრივ სიტუაციის გართულების პრევენციას ახდენს და ამავდროულად პირდაპირ და დაუფარავად ეუბნება საზოგადოებას თუ რაზე წამსვლელები არიან რადიკალური ჯგუფები. მართლმადიდებლური ეკლესიის დისკრედიტაცია და მორწმუნეების შეშინების მცდელობა, „ლექსო ლაშქარვა – 2“-ის შექმნა ანუ სიტუაციის იმგვარად გართულება, რომ ნებისმიერ ფასად ადამიანები ქუჩაში გამოიყვანონ, რათა სიტუაცია უმართავი გახდეს. დიახ, ეს უნდა იცოდეს საზოგადოებამ, თუ რა შესაძლო სცენარის განვითარება სურთ რადიკალებსა და მათ ე.წ. მედია საშუალებებს“, – წერს ლევან ნიკოლეიშვილი.

ინტერნეტში სავარაუდო ფარული მიყურადების გზით პოლიტიკოსების, სასულიერო პირებისა და ჟურნალისტების მოსმენის თაობაზე მასალები გავრცელდა.

საქართველოს პროკურატურაში მედიასაშუალებების მიერ ფარულ ჩანაწერებთან დაკავშირებით გავრცელებულ ინფორმაციაზე გამოძიება დაიწყო.

კომენტარები
რეკლამა ____________ IMG.GE
მოწონება