მომხმარებელთა უფლებების დაცვის კანონთან დაკავშირებით, კონკურენციის ეროვნული სააგენტოს წარმომადგენლები დისტრიბუტორთა ბიზნესასოციაციისა და რითეილ სექტორის წარმომადგენლებს შეხვდნენ.
შეხვედრა კონკურენციის ეროვნული სააგენტოს თავმჯდომარემ, ირაკლი ლექვინაძემ და დისტრიბუტორთა ბიზნესასოციაციის ხელმძღვანელმა ივა ჭყონიამ გახსნეს.
სამუშაო შეხვედრა დისკუსიის, ინფორმაციის გაცვლის რეჟიმში გაიმართა. მხარეებმა დეტალურად იმსჯელეს პროცედურულ საკითხებზე, საჩივრის მიღების, განხილვის და გადაწყვეტილებების მიღების წესებთან დაკავშირებით. ასევე, ევროპულ პრაქტიკაზე, აღსრულების მექანიზმებზე, ბიზნესის კეთილსინდისიერ ქცევაზე და იმ რეგულციებზე, რომლის შესრულებაც კომპანიებისთვის 1-ლი ნოემბრიდან სავალდებულო იქნება.