გურჯაანში დღეს ღვინის ფესტივალისთვის ემზადებიან.
ორგანიზატორები ბოლო დეტალებს აზუსტებენ. მცირე და დიდი საწარმოები საკუთარ პროდუქციას წარადგენენ. სტუმრებს საშუალება ექნებათ სხვადასხვა სახეობის ღვინო დააგემოვნონ. ღვინის დღეების მიზანი, რომელიც პრემიერის ინიციატივით იმართება, მეღვინეების სტიმულირება და ქართული ღვინის პოპულარიზაციაა. საღამოს მსმენელის განწყობაზე თბილისიდან მოწვეული მომღერლები იზრუნებენ.
„პრემიერ მინისტრის ინიციატივით, 25 ლოკაციაზე მიმდინარეობს „ღვინის დღეები საქართველოში“. ეს არის ძალიან კარგი წამოწყება, რაც ქართული ღვინის პოპულარიზაციას ისახავს მიზნად და მეღვინეებისთვის წარმოადგენს სტიმულაციას“, – განაცხადა გურჯაანის მერმა, ზურაბ უტიაშვილმა.