„ჩამორჩენა“ მართლაც დიდია, რომ „დავეწიოთ“ მაგალითად მოლდოვას, უნდა გავხდეთ დსთ-ს წევრი, უნდა ჩავწეროთ კონსტიტუციაში, რომ არასდროს გავხდებით ნატოს წევრი, უნდა გავაღვივოთ კორუფცია და უნდა დავასუსტოთ ჩვენი ინსტიტუტები- ამის შესახებ პარტია „ქართული ოცნების“ თავმჯდომარემ, ირაკლი კობახიძემ გადაცემაში „იმედი LIVE“ განაცხადა.
„უკრაინას არ ვედრებით, უკრაინა აბსოლუტურად სხვა შემთხვევაა გამომდინარე იქიდან, რომ იქ ომია. რაც შეეხება მოლდოვას, ცა და დედამიწაა. არავითარი დრო არ ეყოფა მოლდოვას იმისთვის, რომ დაგვეწიოს ახლო მომავალში. აქედან გამომდინარე, ეს არის ცარიელი სპეკულაციები. ჩვენ წინ ვუსწრებთ მოლდოვას არა მარტო ერთი და ორი ნაბიჯით, არის დრამატული განსხვავება საქართველოს წინსვლასა და მოლდოვის წინსვლას შორის. ერთადერთი საჭიროა პოლიტიკური გადაწყვეტილება ევროკავშირის მხრიდან და ჩვენი მხრიდან ყველაფერს გავაკეთებთ იმისთვის, რომ ეს გადაწყვეტილება იყოს დადებითი“, – განაცხადა კობახიძემ.