ხელვაჩაურის მუნიციპალიტეტში მონაწილეობითი ბიუჯეტის პროექტი “იდეა უკეთესი ხელვაჩაურისთვის” იწყება.
პროექტი მოქალაქეებს მისცემს შესაძლებლობას, ჩაერთონ ხელვაჩაურის მუნიციპალიტეტის ბიუჯეტიდან
გამოყოფილი თანხების დაგეგმვაში.
პროექტის ფარგლებში, 2022 წლის 19 ოქტომბერს, 14:00 საათზე სამოქალაქო ბიუჯეტის საბჭოს პირველი სხდომა გაიმართება.
სხდომაზე დაზუსტდება და შეთანხმდება მონაწილეობით ბიუჯეტის განხორციელების ვადები, პროექტის განხორციელების არეალი, ბიუჯეტი და სხვა დეტალები.