ნატო კონფლიქტის მხარე არ არის, თუმცა ჩვენი მხარდაჭერა მნიშვნელოვან როლს თამაშობს, მოკავშირეები გაერთიანებული რჩებიან უკრაინის სუვერენიტეტისა და თავდაცვის მხარდაჭერის საკითხში, – განაცხადა ნატოს გენერალურმა მდივანმა, იენს სტოლტენბერგმა.
„ჩვენი გზავნილი მკაფიოა. ნატო უკრაინის გვერდით დგას. პრეზიდენტმა პუტინმა დაიწყო ეს ომი. მან უნდა დაასრულოს იგი უკრაინიდან თავისი ძალების გაყვანით. პრეზიდენტმა ლუკაშენკომ უნდა შეწყვიტოს ბელარუსის თანამონაწილეობა ამ უკანონო კონფლიქტში“, – აღნიშნა ნატოს გენერალურმა მდივანმა.
იენს სტოლტენბერგმა ხაზგასმით აღნიშნა, რომ რუსეთის პრეზიდენტ პუტინის ბირთვული მუქარა საშიში და უპასუხისმგებლო ქმედებაა.