ამერიკის შეერთებული შტატების მხარდაჭერა დემოკრატიის გაძლიერებისთვისა და განვითარებისთვის ჩვენთვის ძალიან მნიშვნელოვანი და ღირებულია. ეს უკვე აშშ-ის საელჩოზეა დამოკიდებული, როგორ გამოეხმაურებიან „ხალხის ძალის“ განცხადებას, – ამის შესახებ საპარლამენტო უმრავლესობის წევრმა და იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა.
„მე ვერ ვხედავ რაიმე პრობლემას იმაში, რომ ეს საკითხები იყოს საჯარო. თუ ისედაც საჯარო არ არის უკვე. ამას ქალბატონი ელჩი გააკეთებს თუ საელჩოს რომელიმე წარმომადგენელი, ეს უკვე სხვა საკითხია“, – განაცხადა ანრი ოხანაშვილმა.