გიორგი ვოლსკიმ გადაცემაში „იმედი LIVE“ დეოლიგარქიზაციის რეკომენდაციის შესახებ ისაუბრა. პარლამენტის ვიცე-სპიკერის თქმით, დეოლიგარქიზაციის შესახებ უკრაინის კანონის გარდა მსოფლიოში სხვა პრეცედენტი არ არსებობს და სწორედ ამიტომ გადაწყვიტა მმართველმა გუნდმა მისი თარგმნა. ამასთან, ვოლსკიმ უპასუხა მათ, ვინც მიიჩნევს, რომ კანონი ბიძინა ივანიშვილს უნდა შეეხოს, რადგან ის ქვეყნის ფარული მმართველია.
„ვთქვათ, ბიძინა ივანიშვილის არის მმართველი. ჩვენ ვეუბნებით ოპოზიციას: „რომელია თავისი ცოდნით, ეკონომიკური ან თუ გინდათ ადამიანური მაჩვენებლებით პატრიოტიზმით თქვენზე ნაკლები ხელისუფლებაში, რომ მას სჭირდებოდეს კიდევ ფარდის უკან მდგომი ბიძინა ივანიშვილი, რომელიც მას მართავს“? ან რა ქნა ბიძინა ივანიშვილმა სიკეთის მეტი ამ ქვეყანაში, რაც მას ცუდად ახასიათებს? ვეუბნებით, ერთი მაინც თქვით“, – განაცხადა ვოლსკიმ.