დეოლიგარქიზაციის საკითხზე ხელისუფლება და ოპოზიცია ვერ შევთანხმდებით, რადგან სულ სხვა ხედვა აქვს ხელისუფლებას. ისინი თვლიან, რომ ბიძინა ივანიშვილი არ არის ოლიგარქების რიგში, – ამის შესახებ „რესპუბლიკური პარტიის“ ლიდერმა ხათუნა სამნიძემ განაცხადა.
„მიზეზი იმისა, რომ დეოლიგარქიზაციის კანონი არ ინიცირებულა, არის შეუთანხმებლობა ოპოზიციაში, კონკრეტულ დეტალებზე. უკრაინის მოდელი არ არის ოპოზიციისთვის მისაღები, ამას არაერთხელ გაესვა ხაზი. ეს კანონი არ არის სრულფასოვანი, მუშავდება კანონპროექტი. კანონის კოპირებას ზოგადად მე არასდროს ვუჭერ მხარს, ყოველთვის ქვეყნის კონტექსტი, ვითარებაა, ოპოზიციასა და ხელისუფლებას შორის შეთანხმებაა გასათვალისწინებელი. ვისურვებდი, რომ შესაძლებელი იყოს ეს შეთანხმება, მაგრამ როგორც ჩანს ამ კონკრეტულ საკითხზე, რაც არის დეოლიგარქიზაცია, ხელისუფლება და ოპოზიციას ვერ შევთანხმდებით, რადგან სულ სხვა ხედვა აქვს ხელისუფლებას. ისინი თვლიან, რომ ბიძინა ივანიშვილი არ არის ოლიგარქების რიგში, რაც ადასტურებს იმას, რომ ხელისუფლება არ აპირებს ნორმალური, ობიექტური და ქვეყნის კონტექსტის შესაბამისად გათვალისწინებული კანონის მიღებას“,- განაცხადა სამნიძემ.
დღეს დეოლიგარქიზაციასთან დაკავშირებით პარლამენტში იურიდიულ საკითხთა კომიტეტში სამუშაო შეხვედრა გაიმართება.
ჩვენ ვამაყობთ იმით, რომ საქართველო ერთ-ერთი პირველი ქრისტიანული ქვეყანაა მსოფლიოში და...