ვფიქრობ, რომ პარლამენტმა კანონი დეოლიგარქიზაციის შეახებ უნდა მიიღოს, – ამის შესახებ თეა წულუკიანმა გადაცემაში „იმედი LIVE“ განაცხადა. ვიცე-პრემიერის ვარაუდით, ოპოზიციური სპექტრის ნაწილმა და მათმა მოკავშირე არასამთავრობო ორგანიზაციებმა ევროკავშირის წარმომდგენლებთან იმუშავეს და დაარწმუნეს იმაში, რომ რეკომენდაციებს შორის უნდა იყოს პუნქტი დეოლიგარქიზაციის შესახებ. თუმცა, მას შემდეგ, რაც „ქართულმა ოცნებამ“ ამ პუნქტის შესრულება ევროკავშირის მიერ მოწონებული უკრაინული კანონის თარგმნით დაიწყო, ოპოზიციას თემა აღარ მოეწონა.
„როგორც კი ოპოზიცია და მათი ორგანიზაციები მიხვდნენ, რომ არამცთუ უკრაინული, ნებისმიერი სხვა კანონი, შეიძლება ძალიან ბევრ ადამიანს შეეხოს, მაგრამ ივანიშვილს არ შეეხება, აღარ მოეწონათ ეს თემა. ეს პირდაპირ იმის სიმპტომია, რომ ზედაპირულები არიან, არ მუშაობენ, არ უღრმავდებიან საკითხებს და რეალურად, ალბათ გარიყეს ყველა, ვინც მათ ინტელექტუალურ ძალას წარმოადგენდა“, – განაცხადა წულუკიანმა.