დღეს სოხუმის დაცემიდან 29 წელი გავიდა. დედოფლისწყაროს მუნიციპალიტეტის მერმა ნიკოლოზ ჯანიაშვილმა აფხაზეთში საქართველოს ტერიტორიული მთლიანობისთვის დაღუპულთა ხსოვნას პატივი მიაგო და მერიის სოციალური სამსახურის უფროსთან, დოდო ხუნაშვილთან ერთად სამშობლოს თავდადებული გმირების: კობა გიგაურის, დავით ჩხაიძისა და ჯემალ ღვედაშვილის საფლავები ყვავილებით შეამკო. ნიკოლოზ ჯანიაშვილმა დედოფლისწყაროელი გმირების ოჯახის წევრებს პატრიოტი მამულიშვილების აღზრდისთვის მადლობა გადაუხადა და აღნიშნა , რომ სამშობლოს წინაშე თითოეული მათგანის ღვაწლი ფასდაუდებელია. აფხაზეთის ომში დაღუპულთა ხსოვნის პატივსაცემად დედოფლისწყაროს მუნიციპალიტეტის ყველა ადმინისტრაციულ შენობაზე დაშვებულია სახელმწიფო დროშები. აფხაზეთში სამშობლოს ერთიანობისთვის 7 დედოფლისწყაროელი დაიღუპა.