თავდაცვის მინისტრის თქმით, საქართველოს საზღვრებზე კონტროლი გამკაცრებულია. ამ თემაზე კომენტარი ჯუანშერ ბურჭულაძემ ჟურნალისტებთან საუბრისას გააკეთა. მან აღნიშნა, რომ ამ ეტაპზე მთავრობა საფრთხეს ვერ ხედავს.
„სასაზღვრო გამშვებ პუნქტებზე აქამდეც გვქონდა მკაცრი კონტროლი – სად მიდიოდნენ ტურისტები, რა სახსრებით და ა.შ. დღეს ეს კონტროლი კიდევ უფრო მეტი რესურსით არის გამკაცრებული და ამ ეტაპზე ჩვენ საფრთხეებს ვერ ვხედავთ. თეორიული რისკი, რომ ინდივიდუალურ დონეზე რუსეთის რომელიმე მოქალაქე საფრთხეს შეიცვას, აქამდეც არსებობდა. თუ რისკი ეჭვები ჩნდება – კონტროლდება. მობილიზაცია რუსეთის შიდა საკითხია. ჩვენ ამაში ვერ ვხედავთ სამხედრო აგრესიის შემცველ საფრთხეს, ასე რომ ასე არ განვიხილავთ“, – განაცხადა მინისტრმა.