ერდოღანი: ჩვენ გავაქრობთ ტერორის ბნელ ჩრდილს ჩვენი რეგიონიდან – ველით, რომ ჩვენი ამერიკელი მეგობრები, ჩვენთან თანამშრომლობით, „ქურთისტანის მუშათა პარტიის“, „სახალხო თავდაცვის გაერთიანებისა“და „გიულენის ორგანიზაციის“ წინააღმდეგ იბრძოლებენ

„ჩვენ გავაქრობთ ტერორის ბნელ ჩრდილს ჩვენი რეგიონიდან“, – ამბობს თურქეთის პრეზიდენტი. რეჯეფ თაიფ ერდოღანი იმედს გამოთქვამს, რომ აშშ, ამ მიზნის მისაღწევად, თურქეთთან ითანამშრომლებს, – ამის შესახებ სააგენტო „ანადოლუ“ წერს.

„ჩვენ ველით, რომ ჩვენი ამერიკელი მეგობრები, ჩვენთან თანამშრომლობით, იბრძოლებენ „ქურთისტანის მუშათა პარტიის“ (PKK)/„სახალხო თავდაცვის გაერთიანებისა“ (YPG) და „ფეთჰულა გიულენის ორგანიზაციის“ (FETO) წინააღმდეგ, როგორც ეს ალიანსის სულისკვეთებას შეეფერება“, – ამბობს თურქეთის პრეზიდენტი.