“ტოიოტას” მარკის ავტომობილი, რომელიც გიორგი შაქარაშვილის მკვლელობის საქმეში ფიგურირებს გამოძიებამ ახლახან დალუქა.”ტოიოტას” მარკის ავტომობილში ჩატარდა საგამოძიებო მოქმედებები. ეს საქმეს, როგორც მტკიცებულება, ორი დღის წინ დაერთო. ჯერჯერობით, უცნობია ახალი მტკიცებულება უკავშირდება ჯგუფურად ჩადენილ განზრახ მკვლელობას, თუ იმ საქმეს, რომელზეც გამოძიება მიმდინარეობს ძალადობისა და თავისუფლების უკანონო აღკვეთის მუხლებით.
“ტოიოტას” მარკის ავტომობილი, ახალგაზრდებს შორის მომხდარი დაპირისპირების ეპიზოდში ფიგურირებს.
“კურიერმა” გაარკვია, რომ მცხეთაში 19 ივნისის დღის პირველ ნახევარში ავტომობილით ჩასულები იყვნენ ბრალდებულები, მათ შორის იყო ნიკა ჟვანიაც. ჯერჯერობით, უცნობია რა მიზნით იმყოფებოდნენ ისინი მცხეთაში.
შაბათს შსს-მ გამოკითხა თემო კეტაშვილი, “ტოიოტა ვითსის” მეპატრონე, ეს პირი პირველად გამოიკითხა უწყებაში.
მან ავტომობილი ათხოვა თავის ნაძალადეველ მეგობრებს 18 ივნისის ღამეს. ჩვენებების მიხედვით ირკვევა, რომ ადამიანები, რომლებიც ნათხოვარ ავტომობილში ისხდნენ კონფლიქტის წერტილამდე ვერ მივიდნენ, რის შემდეგაც თბილისში დაბრუნდნენ.
გამოძიება ამ კონკრეტული ავტომობილით კვლავ დაინტერესდა, ანაწმენდები კი ავტომობილიდან საქმეში უკვე დევს.
ადვოკატი გამორიცხავს, რომ მაქანა იყოს მეორე დღეს გამოყენებული და ამტკიცებს, რომ თემო კეტაშვილს ავტომობილი დაუბრუნდა დღის პირველ მონაკვეთშივე.
“ამოღებულ იქნა მობილური ტელეფონები და ლეპტოპები, სამი დღის წინ კი ავტომობილი ამოიღეს. ამ სამ პირს, რომელიც გამოკითხეს მათი ტელეფონებიც კი ახლა ამოიღეს. ეს სამი ადამიანი ვინ იყო ეს ხო მათ იცოდნენ და მათი ტელეფონები მნიშვნელოვანი თუ იყო მაშინვე უნდა ამოეღოთ,”– განაცხადა მუხრან ღურწკაიამ.
მეორე დღეს შემთხვევის ადგილზე ჩასულ ავტომობილზე ინფორმაციას არ ფლობს გიორგი მერაბიშვილის ადვოკატი როსტომ კერესელიძე.
ის ამბობს, რომ მისთვის მიუღებელია საქმის ოქროს მოწმეების ღიბრაძის, ქათამაძისა და ახვლედიანის ჩვენებები. ასევე საეჭვო გარემოებად არ მიიჩნევს, მისი დაცვის ქვეშ მყოფისა და ლ.შ-ს ჩვენებებს.
“ხელახლა გამოკითხვის აუცილებლობას ვერ ვხედავ, რადგან ჩემი დაცვის ქვეშ მყოფისა და ლ.შ-ს ჩვენებები, რომ ერთმანეთს ემთხვევა ეს ჩვენების ნამდვილობას ადასტურებს. ჩემი დაცვის ქვეშ მყოფი მეორე დღეს იქ არ ყოფილა. მედიისგან გავიგე ინფორმაცია, რომ მეორე დღეს შემთხვევის ადგილზე რაღაც მანქანა იყო, მაგრამ ჩემი დაცვის ქვეშ მყოფი იქ არ იმყოფებოდა. ჩემთვის ისიც არ არის ზუსტად ცნობილი, მეორე დღეს ჟვანია იყო თუ არა იქ,”- განაცხადა როსტომ კერესელიძემ.
შეგახსენებთ, რომ გიორგი შაქარაშვილის მკვლელობის საქმეზე დაკავებულია 17 პირი, სასამართლომ კი 17-ივე პირი პატიმრობაში დატოვა.
მიიღეთ სუფთა წყალი და არა წვენი – თენგიზ ცერცვაძე გვირჩევს როგორ...