ოლაფ შოლცი: ჩვენ დიდი წვლილი შევიტანეთ საქართველოსთვის ევროპული პერსპექტივის მინიჭების შესახებ გადაწყვეტილების მიღებაში

12 კრიტერიუმი, რომლებიც აუცილებელია კანდიდატის სტატუსის მისაღებად დასახელებულია, თუკი ეს პირობები შესრულდება, გერმანია საქართველოს ამაში დაეხმარება, – ამის შესახებ ოლაფ შოლცმა საქართველოს პრემიერ-მინისტრთან გამართულ ბრიფინგზე განაცხადა. გერმანიის კანცლერმა განაცხადა, რომ

„ჩვენ დიდი წვლილი შევიტანეთ იმ ევროკავშირის გადაწყვეტილების მიღებაში, რომელიც ევროკავშირის საბჭომ უკვე მიიღო და ეს გახლავთ ევროპული პერსპექტივა. დასახელებულია 12 კრიტერიუმი, რომლებიც აუცილებელია კანდიდატის სტატუსის მისაღებად. ეს არის უკვე ის, რაც თვითონ ქვეყანამ უნდა გააკეთოს, უნდა მიაღწიოს ამას. თუკი ეს აუცილებელი პირობები შესრულდება – დემოკრატიული, სუვერენული ქვეყნების სამართლებრივი სახელმწიფოსა და სოციალური, საბაზრო ეკონომიკების წრეში შესვლა, მაშინ, რა თქმა უნდა, ამ ქვეყანას შეუძლია [კანდიდატის სტატუსის მიღება] და გერმანია საქართველოს დაეხმარება ამაში“, – განაცხადა შოლცმა.