გიორგი ვაშაძეს ვთავაზობ, მათ მიერ დაინიცირებული კანონპროექტების განხილვა დავიწყოთ კომიტეტის სხდომაზე. იქ გამოჩნდება, ვინ არის პროგრესული მიდგომის მომხრე, – ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა სახალხო დამცველის არჩევის წესთან დაკავშირებით გიორგი ვაშაძის განცხადების საპასუხოდ აღნიშნა.
„ოპოზიციას მესიჯბოქსი იმდენად გაუცვდა, რომ ყველაფერზე ერთსა და იმავეს საუბრობენ. ეს იმას ნიშნავს, რომ გაცვდნენ, პოლიტიკურად სიტყვათა მარაგიც აღარ აქვთ, რომ განსხვავებული შეფასება მისცენ სხვადასხვა საკითხს. გიორგი ვაშაძეს ვთავაზობ, მათ მიერ დაინიცირებული კანონპროექტების განხილვა დავიწყოთ კომიტეტის სხდომაზე. იქ გამოჩნდება, ვინ არის პროგრესული მიდგომის მომხრე და ვინ აინიცირებს რეგრესირებულ საკითხებს“, – განაცხადა ოხანაშვილმა.