პარლამენტის თავმჯდომარე შალვა პაპუაშვილი 2001 წელს აშშ-ში მომხდარი ტერაქტის 21-ე წლისთავს ეხმიანება.
„აშშ-ში მომხდარი საშინელი ტერაქტის შემდეგ 21 წელი გავიდა. დღეს პატივს მივაგებთ 9/11-ში დაღუპულ 3000 ადამიანს და ვაფასებთ მათ, ვინც ცხოვრება ხალხის სამსახურში ყოფნას მიუძღვნა. ასევე კიდევ ერთხელ ვადასტურებთ საკუთარ ერთგულებას მშვიდობისა და უსაფრთხოების უზრუნველსაყოფად ერთობლივი ძალისხმევებისადმი“, – წერს პაპუაშვილი.
2001 წლის 11 სექტემბერს „ალ ქაიდას“ ტერორისტებმა სამგზავრო თვითმფრინავები გაიტაცეს და შეერთებული შტატების ტერიტორიაზე ტერაქტების სერია განახორციელეს. ორი ავიალაინერი ნიუ-იორკის სავაჭრო ცენტრის ტყუპ ცათამბჯენებს შეეჯახა. მოგვიანებით კიდევ ერთი თვითმფრინავი ტერორისტებმა პენტაგონის დასავლეთ ფასადს შეაჯახეს, მეოთხე თვითმფრინავში, კი მგზავრებმა ტერორისტებს წინააღმდეგობა გაუწიეს და ლაინერი პენსილვანიის შტატში ჩამოვარდა.
შემზარავ ტერორისტულ აქტებს 2977 ადამიანი ემსხვერპლა.
ირაკლი კობახიძე გურჯაანის ღვინის ფესტივალზე იმყოფებოდა