ნატოს გენერალურმა მდივანმა, იენს სტოლტენბერგმა მოკავშირეებს მოუწოდა, უკრაინას ზამთრის აღჭურვილობა მიაწოდონ, როგორიცაა ტანსაცმელი, კარვები და გენერატორები.
„ზამთარი მოდის, რთული იქნება და ამიტომ გვჭირდება როგორც იარაღისა და საბრძოლო მასალის, ასევე ზამთრის ტანსაცმლის, კარვების, გენერატორებისა და ყველა სპეციფიური აღჭურვილობის მიწოდება, რომელიც საჭიროა ზამთრისთვის“, – აღნიშნა ნატოს გენერალურმა მდივანმა.
„ნაწილობრივ იმის გამო, რომ უკრაინული არმიის რაოდენობა ძალიან გაიზარდა, მათ მეტი ასეთი აღჭურვილობა სჭირდებათ და ნატო განსაკუთრებით ორიენტირებულია იმაზე, თუ როგორ შეგვიძლია მივაწოდოთ ეს აღჭურვილობა“, – განაცხადა იენს სტოლტენბერგმა.