ოპოზიციის წარმომადგენლები საერთოდ არ ეწევიან მოსახლეობასთან უშუალო შეხვედრებს – რისთვის ემზადებიან “ნაციონალური მოძრაობა” და მისი სატელიტები

837
წაკითხვა/ნახვა
რეკლამა -------------------- IMG.GE

ჟურნალისტი გია გაბრიჭიძე სოციალურ ქსელში ოპოზიციური პოლიტიკური პარტიების მიერ დაწყებულ წინასაარცევნო კამპანიას ეხმაურება:

“პოლიტიკური პარტიების მიმართ ყოველგვარი პირადი დამოკიდებულების გარეშე მოდით და მშრალად ვნახოთ მათი დამოკიდებულება იმ უმნიშვნელოვანესი პროცესის მიმართ, რასაც არჩევნები ჰქვია.
ჩვენ საკმაოდ ბევრი არჩევნები ვნახეთ. ვნახეთ როგორც ემოციების გავლენით ჩატარებული, ასევე გაყალბებული, თუ შედარებით წესიერად ჩატარებული.
ვნახეთ თუ როგორ მიმდინარეობდა წინასაარჩევნო პერიოდები და ვიცით, თუ როგორ უნდა მიმდინარეობდეს ნორმალურ პოლიტიკურ სიტუაციაში. ვიცით, თუ როგორ უნდა იქცეოდნენ პოლიტიკური ძალები, ვისაც სურს ქვეყნის ნორმალური განვითარება და ცივილური მომავალი.
სამწუხაროდ დღევანდელი მდგომარეობა ამ მოთხოვნებს მიზერულადაც ვერ აკმაყოფილებს და სახეზე გვაქვს არა პოლიტიკური ბრძოლა, კამათი და ხალხისთვის იმ იდეების მიწოდება რომელთა შორისაც ჩვენი არჩევანი მშვიდად უნდა გავაკეთოთ, არამედ აპოკალიფტური სურათის წარმოდგენა და მაქსიმალური დაძაბულობის შექმნა.
სახელისუფლებო პარტია გარკვეულწილად ცდილობს ამომრჩეველს დაანახოს ის მომავალი, ის საქმეები რისი განხორციელებაც დაწყებული აქვს და რომელთა დასრულებასაც გეგმავს (როგორც პოლიტიკური, ასევე სამეურნეო თვალსაზრისით).
რაც შეეხება ოპოზიციურ პარტიებს ორიოდ გამონაკლისის გარდა, აბსოლუტურ იგნორს უკეთებენ საარჩევნო პროცესს და მდაბიო კომედიური შოუს “ღადაობების” მსგავსი ქმედებებიდან დაწყებული (მაგ: საარჩევნო კომისიაში ადგილების აუქციონის წესით გაყიდვა), სამოქალაქო დაპირისპირების აშკარა ანონსით დამთავრებული, ახდენენ მოქალაქის უზენაესი ნების გამოხატვის პროცესის სრულ დისკრედიტაციას.
ოპოზიციის წარმომადგენლები საერთოდ არ ეწევიან მოსახლეობასთან უშუალო შეხვედრებს, გარდა რომელიმე სკვერში რამდენიმე დამსვენებელთან გასაუბრების გარდა სადაც საქმეზე საუბრის ნაცვლად აგრესიულ ლოზუნგებს ისვრიან.
საქართველოს მასშტაბით წარადგინეს კანდიდატები, რომლებსაც “ვარდისფერი სათვალეებით” დანახვის შემთხვევაშიც არანაირი შანსი არ გააჩნიათ.
საოლქო კომისიებში სხვადასხვა ტექნიკური საკითხის განხილვის პროცესში ახდენენ პროვოკაციებს და საქმიანი განხილვის ნაცვლად თავიათი ტელევიზიების ეთერებში ურცხვად ცრუობენ.
მედია-პროპაგანდა მიმართულია არა კონკრეტული პოლიტიკური, თუ სამეურნეო საკითხების განხილვისკენ, არამედ ნებისმიერი ადამიანური ტრაგედიის, თუ პრობლემის პოლიტიკურ ჭრილში გადატანისკენ.
და კიდევ უამრავი სხვა საკითხი (მაგ: პროცესებში სამოქალაქო სექტორის აბსოლუტურად პოლიტიკური ხასიათის ჩართულობა დ.ა.შ.), რომელიც ამომრჩეველს საკმაოდ ლეგიტიმურ შეკითხვებს უჩენს და რომლებზეც ერთადერთი პასუხია – ე.წ. ოპოზიციას არ სურს არჩევნები, არ სურს ქვეყანაში ნორმალური პოლიტიკური სიტუაციის დამყარება და ხვდებიან რა, რომ ვერც არჩევნებით და ვერც რევოლუციური სცენარებით ხელისუფლებაში ვერ მოვლენ, ცდილობენ საქართველოსთვის როგორც საერთაშორისო, ისე ადგილობრივი მასშტაბით მაქსიმალური ზიანის მიყენებას და სხვადსხვა დამფინანსებლის მხრიდან რაც შეიძლება მეტი მატერიალური სარგებლის მიღებას.
კიდევ ერთხელ გავიმეორებ – არსებულ მდგომარეობას შევხედოთ მშრალად, ყოველგვარი ემოციების გარეშე და არჩევანი ისე გავაკეთოთ.” – წერს გაბრიჭიძე
კომენტარები
რეკლამა
მოწონება