მას შემდეგ, რაც დედამიწაზე გაჩნდა ადამიანი და შეიქმნა სახელმწიფოები, ყველა ერსა და ყველა სახელმწიფოებს, მათ შორის დიდ სახელმწიფოებს, ჰყავთ აგენტებიც, მოღალატეებიც და გამყიდველებიც, – ამის შესახებ პრემიერ-მინისტრმა, ირაკლი ღარიბაშვილმა ჟურნალისტებთან განაცხადა.
„ეს ძალიან მგრძნობიარე საკითხია და ჩვენ ძალიან არ უნდა გავერთოთ ასეთი საკითხებით. ჩვენი მთავარი ამოცანა უნდა იყოს ის, რომ ჩვენი ქვეყანა გავაძლიეროთ. ჩვენი ქვეყნის ყველა მოქალაქე უნდა ემსახურებოდეს მხოლოდ და მხოლოდ საქართველოს, ჩვენს სამშობლოს“, – განაცხადა ღარიბაშვილმა.