თბილისის მერი, კახა კალაძე უკრაინის თავდაცვის სამინისტროს დაზვერვის მთავარი სამმართველოს განცხადებას მიზანმიმართულ პროვოკაციას უწოდებს.
„დღეს გავრცელებული აშკარა სიცრუე, რომ თითქოს საქართველო და რუსეთი ფარულ მოლაპარაკებებს აწარმოებენ რუსეთში კონტრაბანდის არხების ჩამოყალიბებაზე საქართველოს გავლით, მიზანმიმართული პროვოკაციაა, რომელიც მიზნად ისახავს უკრაინასა და საქართველოს შორის ურთიერთობებისთვის ჩრდილის მიყენებას. მათ, ვინც ამის უკან დგას, ჩვენი ორი მეგობარი ქვეყნის მიმართ ცუდი განზრახვები აქვთ!“ – დაწერა კახა კალაძემ Twitter-ზე.
მანამდე უკრაინის თავდაცვის სამინისტროს დაზვერვის მთავარმა სამმართველომ ინფორმაცია გაავრცელა, რომლის თანახმადაც, საქართველოს პოლიტიკური ხელმძღვანელობა რუსეთთან შეთანხმებულია საკუთარი ტერიტორიის გავლით სანქცირებული პროდუქტების კონტრაბანდის სახით შეტანაზე.
ეუთო/ოდირის ოფიციალური განცხადებიდან მოვისმინეთ, რომ საქართველოს ჰყავს ახლადარჩეული ხელისუფლება. შესაბამისად, ეს...