დღეს, ხელვაჩაურის მუნიციპალიტეში მიწის სისტემური რეგისტრაციის რეფორმის ფარგლებში, იუსტიციის სამინისტროს საჯარო რეესტრის ეროვნული სააგენტოს ინიციატივითა და ორგანიზებით საინფორმაციო შეხვედრა გაიმართა.
შეხვედრის მიზანს წარმოადგენდა სამოქალაქო საზოგადოებისთვის საჯარო რეესტრის ეროვნული სააგენტოს წარმომადგენლების მხრიდან, რეფორმით გათვალისწინებული და განხორციელებული აქტივობების შესახებ დეტალური ინფორმაციის მიწოდება. მოქალაქეებს ინდივიდუალურად გაეწიათ სამართლებრივი კონსულტაცია, ვებპორტალზე: SLR.napr.gov.ge რეგისტრაციისა და ინფორმაციის მოპოვების შესახებ.
პროექტის „კონსულტაციის დღე შენს მუნიციპალიტეტში“ ფარგლებში, საკონსულტაციო შეხვედრები, იუსტიციის სამინისტროს საჯარო რეესტრის ეროვნული სააგენტო 2022-2024 წლებში გეგმა-გრაფიკის მიხედვით აზომავს და დაარეგისტრირებს კერძო, სახელმწიფო და მუნიციპალურ საკუთრებაში არსებულ მიწის ნაკვეთებს და მონაცემთა ერთიან ბაზას შექმნის.
მიწის სისტემური რეგისტრაციის რეფორმის ფარგლებში ხელვაჩაურის მუნიციპალიტეტში კონკრეტულ ადმინისტრაციულ ერთეულებში საკადასტრო აგეგმვითი/აზომვითი სამუშაოების დაწყების დრო:
2022 წელი ახალშენი – აგვისტო
2023 წელი თხილნარი – მაისი;
ჭარნალი – მაისი;
შარაბიძეები – აგვისტო;
მახინჯაური – აგვისტო.
2024 წელი ორთაბათუმი – თებერვალი;
სარფი – თებერვალი;
აჭარისწყალი – მაისი;
კირნათი – მაისი;
მაჭახელა – მაისი;
ფერია – აგვისტო