უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინა რუსეთის მიერ ოკუპირებულ ყირიმს ნებისმიერი საშუალებით დაიბრუნებს, რომელსაც საჭიროდ ჩათვლის.
„ყირიმს ნებისმიერი საშუალებით დავიბრუნებთ, რომელიც სწორად მიგვაჩნია, სხვა ქვეყნებთან კონსულტაციის გარეშე“, – აღნიშნა ვოლოდიმირ ზელენსკიმ.
უკრაინის პრეზიდენტმა ასევე განაცხადა, რომ ვერ ხედავს მოლაპარაკებისთვის რუსეთის მზადყოფნის ნიშნებს.
„ისინი არ ფიქრობენ რაიმე დიალოგზე, მიიღეს გადაწყვეტილება ჩვენი ქვეყნის ოკუპაციის შესახებ, ისევე როგორც 2014 წელს მიიღეს ეს გადაწყვეტილება“, – განაცხადა ვოლოდიმირ ზელენსკიმ.