მიმდინარე წელს თურქეთმა რუსული ნავთობის იმპორტი გააორმაგა. ინფორმაციას ამის შესახებ სააგენტო Reuters-ი შესაბამის მონაცემებზე დაყრდნობით ავრცელებს.
როგორც საინფორმაციო სააგენტო Reuters-ი იუწყება, თურქეთმა რუსეთიდან ნავთობის იმპორტი გაზარდა, რაც დღეში 200 000 ბარელს შეადგენს. შედარებისთვის, 2021 წლის იმავე პერიოდში რუსეთიდან ნავთობის იმპორტის მაჩვენებელი დღეში 98 000 ბარელს შეადგენდა.
თურქეთის პრეზიდენტმა, რეჯეფ თაიფ ერდოღანმა და რუსეთის პრეზიდენტმა, ვლადიმირ პუტინმა 5 აგვისტოს განცხადება მიიღეს, რომელშიც აღნიშნეს, რომ მხარეები გაააქტიურებენ პოლიტიკურ და ეკონომიკურ თანამშრომლობას, მათ შორის ენერგეტიკისა და ვაჭრობის სფეროში.
პუტინი და ერდოღანი ასევე შეთანხმდნენ, გააძლიერონ ვაჭრობა და ეკონომიკური და ენერგეტიკული თანამშრომლობა.