ნიკანორ მელიამ გათქვა საიდუმლო და აღნიშნა, რომ მიხეილ სააკაშვილის პარტიიდან წასვლის შესახებ განცხადებები ადვოკატების ტაქტიკაა და მეტი არაფერი

ნიკანორ მელიამ გათქვა საიდუმლო და აღნიშნა, რომ მიხეილ სააკაშვილის პარტიიდან წასვლის შესახებ განცხადებები ადვოკატების ტაქტიკაა და მეტი არაფერი“, – ამის შესახებ პარტია „ქართული ოცნების“ თავმჯდომარემ ირაკლი კობახიძემ განაცხადა.

„მიხეილ სააკაშვილის პარტიიდან წასვლის შესახებ კითხვაზე პასუხი გასცა უკვე ფორმალურმა თავმჯდომარემ, ნიკანორ მელიამ. მან გათქვა საიდუმლო და აღნიშნა, რომ ეს არის ადვოკატების ტაქტიკა და მეტი არაფერი. რა თქმა უნდა, უნდა დავუჯეროთ პარტიის ფორმალურ თავმჯდომარეს“,- აღნიშნა ირაკლი კობახიძემ.

მიხეილ სააკაშვილის ადვოკატმა, ვალერი გელბახიანმა „ქრონიკას“ განუცხადა, რომ ყოფილი პრეზიდენტი ქართულ პოლიტიკაზე უარს ამბობს და „ნაციონალურ მოძრაობასთან“ კავშირს წყვეტს.