ჩვენი სურვილია, რომ უფრო მჭიდრო კავშირი იყოს აშშ-თან და ევროკავშირთან. ოღონდ ეს უნდა იყოს ღია პროცესი, – ამის შესახებ დამოუკიდებელმა დეპუტატმა, მოძრაობა „ხალხის ძალის“ წევრმა, მიხეილ ყაველაშვილმა განაცხადა.
მისივე თქმით, ამ ეტაპზე პარტიის ჩამოყალიბებას „ქართული ოცნებიდან“ წასული დეპუტატები არ განიხილავენ.
„ჩვენი სურვილია, რომ უფრო მჭიდრო კავშირი იყოს აშშ-თან და ევროკავშირთან. ოღონდ ეს უნდა იყოს ღია პროცესი და არ უნდა მოხდეს ხელისუფლებაზე კულუარებში ზეწოლა, რათა სხვაგვარად მოხდეს აქ ყველაფერი და რევოლუციური სცენარი განვითარდეს. ჩვენი მოვალეობაა, რომ უფრო მეტი ინფორმაცია მივაწოდოთ საზოგადოებას“, – აცხადებს ყაველაშვილი.
„ქართული ოცნებიდან“ წასულმა დეპუტატებმა, სოზარ სუბარმა, დიმიტრი ხუნდაძემ, მიხეილ ყაველაშვილმა და გურამ მაჭარაშვილმა საზოგადოებრივი მოძრაობა „ხალხის ძალა“ დააფუძნეს.