მასშტაბური ავტოავარია თბილისში – სწრაფად მიმავალი ავტომობილი საპატრულო პოლიციის გაჩერებულ მანქანას შეეჯახა. შეჯახების შედეგად დაზიანდა მესამე ავტომობილი და ასევე მოპედიც.
ავტოსაგზაო შემთხვევა გვიან ღამით, მტკვრის მარცხენა სანაპიროზე მოხდა. ავარიას მსხვერპლი არ მოჰყოლია, თუმცა თვითმხილველების ინფორმაციით, რამდენიმე პირს სასწრაფო სამედიცინო დახმარების აღმოჩენა დასჭირდა.
კანონდამრღვევი მძღოლი ადმინისტრაციული წესით არის დაკავებული. ის შუახნის კაცია. გამოძიება სისხლის სამართლის კოდექსის 276-ე მუხლით დაიწყო.