„ნაციონალური მოძრაობა“ ერთგვარად სასოწარკვეთას მიეცა, როცა გაიგო ამ ამბის შესახებ და შესაბამისად ის შეიძლება აღმოჩნდეს ეგზისტენციალური რისკების წინაშე და მისთვის ბუნებრივია, რომ არის ამგვარი მოცემულობა, რასაც შეეცდებიან რომ ყველანაირად შეეწინააღმდეგონ, – განაცხადა საპარლამენტო უმრავლესობის წევრმა, მიხეილ სარჯველაძემ პოლიტიკიდან სააკაშვილის შესაძლო წასვლაზე საუბრისას.
„ამაზე დიდხანს ფიქრი და სჯა-ბაასი, მე არ მგონია, რომ დიდი აზრის მქონე იყოს და პრაქტიკული მნიშვნელობა ჰქონდეს“, – დასძენს სარჯველაძე.
მიხეილ სააკაშვილის ადვოკატმა, ვალერი გელბახიანმა „ქრონიკას“ განუცხადა, რომ ყოფილი პრეზიდენტი ქართულ პოლიტიკაზე უარს ამბობს და „ნაციონალურ მოძრაობასთან“ კავშირს წყვეტს.