ისრაელი ღაზის სექტორზე შეტევას აძლიერებს – ბაიდენის შეფასებით, ისრაელს ზედმეტად მწვავე რეაგირება არ მოუხდენია

206
წაკითხვა/ნახვა
რეკლამა -------------------- IMG.GE

ისრაელი ღაზის სექტორზე შეტევას აძლიერებს. თუ აქამდე იერიში მხოლოდ ჰაერიდან ხორციელდებოდა, ქვეყანამ გუშინ 9 ათასი ქვეითის მობილიზაცია გამოაცხადა. დაძაბულობა მატულობს არა მხოლოდ სამხედრო მოქმედებების, არამედ რიგით მოქალაქეთა შორის დაპირისპირების გამოც. არეულობაა ისრაელის რამდენიმე ქალაქში, სადაც ერთმანეთს ეთნიკურად არაბები და ებრაელები ფიზიკურად უსწორდებიან.

პარალელურად მხარეები დაღუპულთა შესახებ ცნობებს ავრცელებენ. 31 ბავშვის გარდაცვალებას იუწყება პალესტინა.

აშშ-ის პრეზიდენტი ჯო ბაიდენი მიიჩნევს, რომ ისრაელს ღაზას სექტორთან მიმართებაში ზედმეტად მწვავე რეაგირება არ მოუხდენია.

ერთი, რაც მე ვნახე აქამდე არის ის, რომ არ ყოფილა მნიშვნელოვანად ზედმეტი რეაგირება. კითხვა მდგომარეობს იმაში, თუ როგორ მივიდნენ ისინი იმ წერტილამდე, როცა შეინიშნება თავდასხმების მნიშვნელოვანი შემცირება, განსაკუთრებით სარაკეტო თავდასხმებისა, რომლებიც ქაოტურად გაუშვეს დასახლებული ცენტრებისკენ. მოველი, რომ ამაზე მექნება დამატებითი დისკუსიები. ამ საკითხზე მისი ადმინისტრაციის სხვადასხვა სამსახურებს ხშირი კონტაქტი აქვთ არა მხოლოდ ისრაელთან, არამედ ეგვიპტესთან, საუდის არაბეთთან და სხვებთან,”– აცხადებს ამერიკის შეერთებული შტატბეის პრეზიდენტი ჯო  ბაიდენი.

ამერიკის შეერთებული შტატების სახელმწიფო მდივანი ვითარების დეესკალაციის საჭიროებაზე საუბრობს.

“ჩვენ ღია ვართ და მხარს ვუჭერთ დისკუსიას გაერთიანებული ერების ორგანიზაციაში. საკითხს მომავლი კვირის დასაწყისში განვიხლიავთ. ვფიქრობ მანამდე ეს დროს მისცემს დიპლომატიას გარკვეული ეფექტის მისაღწევად და იმის გარკვევაში დაგვეხმარება, შევძლებთ, თუ არა ვითარების დეესკალაციას,”- აცხადებს ამერიკის შეერთებული შტატების სახელმწიფო მდივანი ენტონი ბლინკენი

კომენტარები
რეკლამა
მოწონება