ფონ დერ ლაიენი მიიჩნევს, რომ უკრაინაში, იმ ადგილებში საიდანაც რუსეთის ჯარი გადის, მშვიდობიანი მოსახლეობის მიმართ ძალადობის მხრივ გამოძიების ჩატარებაა საჭირო. ამის შესახებ ევროკომისიის პრეზიდენტმა Twitter-ზე დაწერა.
„შეძრწუნებული ვარ ცნობებით ენით აღუწერელი საშინელებების შესახებ იმ ადგილებში, საიდანაც რუსეთი გადის. სასწრაფოდ დამოუკიდებელი გამოძიების დაწყებაა საჭირო. სამხედრო დანაშაულების ჩამდენებმა პასუხი უნდა აგონ“, – წერს ფონ დერ ლაიენი.
ჟურნალისტები და უკრაინის ხელისუფლების წარმომადგენლები ავრცელებენ ინფორმაციას ათობით მოკლულ ადამიანზე, რომელთა ცხედრებიც კიევის მახლობლად, რუსეთის ჯარისგან გათავისუფლებულ ქალაქ ბუჩას ქუჩებში აღმოაჩინეს.
რუსული სასაკლაო ბუჩაში – ქუჩებში ჩახოცილი ასობით უკრაინელი მოქალაქე (ვიდეო) +18