ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე ამერიკის შეერთებული შტატების დიპლომატიური მისიის წარმომადგენლებს შეხვდა. ინფორმაციას პარლამენტის პრესსამსახური ავრცელებს.
შეხვედრაზე კომიტეტსა და აშშ-ის საელჩოს შორის არსებულ მჭიდრო ურთიერთობასა და თანამშრომლობის გაღრმავების შესახებ ისაუბრეს.
„ამერიკის შეერთებული შტატების საელჩოსთან თანამშრომლობა ჩვენთვის განსაკუთრებით მნიშვნელოვანია, რადგან წლებია, რაც აშშ-ის საელჩო საქართველოსთვის მნიშვნელოვანი პარტნიორია ადამიანის უფლებების სტანდარტების გაუმჯობესების მიმართულებით. აქედან გამომდინარე, თანამშრომლობის მიმართ განსაკუთრებულია მათი ინტერესი მათი მხრიდანაც და ჩვენი მხრიდანაც. ვისაუბრეთ ბოლოდროინდელ გაუმჯობესებაზე, რომელიც სახელმწიფოში ადამიანის უფლებების მიმართულებით გვაქვს. ხაზი გაესვა შემდგომ საჭიროებებსა და მიმართულებებს, რომელზეც მუშაობას ვაპირებთ და ვფიქრობთ, რომ შემდგომი თანამშრომლობის კონკრეტული კონტურებიც გამოისახა“, – განაცხადა სარჯველაძემ შეხვედრის დასრულების შემდეგ.
ვისაუბრეთ ბოლოდროინდელ გაუმჯობესებაზე, რომელიც სახელმწიფოში ადამიანის უფლებების მიმართულებით გვაქვს. ხაზი გაესვა შემდგომ საჭიროებებსა და მიმართულებებს, რომელზეც მუშაობას ვაპირებთ და ვფიქრობთ, რომ შემდგომი თანამშრომლობის კონკრეტული კონტურებიც გამოისახა“,- განაცხადა შეხვედრის დასრულების შემდეგ მიხეილ სარჯველაძემ.