ისინი არ არიან „ქართული ოცნების“ წარმომადგენლები და მათ სწორედ იმ მოტივით დატოვეს გუნდი, რომ სურდათ ასეთი საჯარო დისკუსიის გახსნა, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ სოზარ სუბარის, დიმიტრი ხუნდაძისა და მიხეილ ყაველაშვილის ღია წერილზე დასმული კითხვის საპასუხოდ განაცხადა.
მისი თქმით, მმართველ გუნდის ასეთი ტიპის საჯარო დისკუსიაში ჩართვა არის შეუძლებელი.
„ასეთი ტიპის საჯარო დისკუსიაში ჩვენგან ჩართვა არის შეუძლებელი. ჩვენ გვაქვს ჩვენი ფორმატი ურთიერთობის, კითხვებს ვსვამთ ხოლმე დახურულ ფორმატში, გარდა იმ შემთხვევისა, როდესაც არის განსაკუთრებული აუცილებლობა.
ისინი არ არიან „ქართული ოცნების“ წარმომადგენლები და მათ სწორედ იმ მოტივით დატოვეს გუნდი, რომ სურდათ ასეთი საჯარო დისკუსიის გახსნა, ჩვენ წარმოვადგენთ მმართველ გუნდს და აქედან გამომდინარე ასეთ დისკუსიაში ბუნებრივია ვერ შევალთ“, – განაცხადა ირაკლი კობახიძემ.