გუშინ ევროპარლამენტარების მხრიდან იყო ძალიან მკაფიო გზავნილი, რომ ოპოზიცია უნდა ჩაერთოს სამუშაო პროცესში. ეს იყო ცალსახა გზავნილი, – ამის შესახებ „ქრონიკის“ ეთერში პარლამენტის ვიცე-სპიკერმა, არჩილ თალაკვაძემ განაცხადა.
„საქართველოს, უკრაინას და მოლდოვას მიღებული აქვთ რეკომენდაციები. ამაზე იყო სპეკულაციები, თუმცა მოსახლეობამ დღეს უკვე იცის, რომ სამივე ქვეყანას აქვს მსგავსი რეკომენდაციები. რაც შეეხება პირველ პუნქტს, დეპოლარიზაციას, გუშინ ევროპარლამენტარების მხრიდან იყო ძალიან მკაფიო გზავნილი, რომ ოპოზიცია უნდა ჩაერთოს სამუშაო პროცესში. ეს იყო ცალსახა გზავნილი. ვფიქრობ, ეს ძალიან ნიშანდობლივია, იმიტომ რომ მმართველმა გუნდმა ერთი თვის წინ წარმოვადგინეთ სამოქმედო გეგმა, შევქმენით სამუშაო ჯგუფები, დაწყებულია პროცესი კომიტეტებში, ხოლო ოპოზიციის დიდი ნაწილი თავს თამაშგარე მდგომარეობაში იტოვებს. ჩვენ გავატარეთ საკონსტიტუციო რეფორმა, შევცვალეთ საარჩევნო სისტემა და კანონები, მივეცით მეტი დაფინანსება ოპოზიციურ პარტიებს, მედია არის დღეს უფრო თავისუფალი. დღეს ოპოზიცია ყველაზე მეტი რაოდენობით არის წარმოდგენილი პარლამენტში. ეს ნაბიჯები ემსახურებოდა დეპოლარიზაციას. ჩვენ გვჯეროდა და დღესაც გვჯერა, რომ საქართველოს სჭირდება შედეგზე ორიენტირებული პოლიტიკა, და არა ქუჩის პოლიტიკა, რომლის პროპაგანდასაც „ნაცმოძრაობა“ ეწევა. ჩვენ გვჯერა, რომ მოქალაქეების არჩევანის პატივისცემით უფრო მეტი საქმის გაკეთება შეიძლება, ვიდრე ბოიკოტით“, – აცხადებს თალაკვაძე.
ვინც ერს ებრძვის, მისთვის ბერთან ბრძოლაც მისაღებია, ამიტომაც ვეღარასდროს გაიმარჯვებენ –...