ღიმილისა და განცხადებების უკან კვლავ ჩანს და გამოჩნდება კიდეც, რომ კვლავ განმეორდება იგივე ზეწოლა. რატომ მეორდება ისევ ზეწოლა ხელისუფლების მიმართ?! იმიტომ, რომ ხელისუფლების ცვლილებაზეა საუბარი. ამ ხელისუფლებასთან ერთად ვერ მიაღწიეს იმას, რომ საქართველო როგორმე ომში ჩაერთოთ, ამ ეტაპისთვის ეს მიზანია, – ამის შესახებ დამოუკიდებელმა დეპუტატმა მიხეილ ყაველაშვილმა გადაცემაში „იმედი LIVE“ განაცხადა.
„არასოდეს გვითქვამს ჩვენ, რომ ამის ავტორია ევროკავშირი ან აშშ. ძალები, რომლებიც არსებობენ, რომლებიც ამ ყველაფერს ქმნიან, შეიძლება მთლიან, ერთიან ევროკავშირს არ წარმოადგენდნენ, ერთიან ამერიკის შეერთებულ შტატებს არ წარმოადგენდნენ, მაგრამ ამ ეტაპისთვის მათთვის სასარგებლო იყოს ის, რომ ამ ომში საქართველოს ჩართულობა უფრო მეტ ზიანს მიაყენებდა რუსეთის ფედერაციას. მხოლოდ ამ ლოგიკიდან გამომდინარე ფიქრობენ, რომ ეს კარგი იქნებოდა. ამ ძალას შესაძლოა აშშ-შიც და ევროკავშირშიც აქვს გავლენა“, – აღნიშნა მიხეილ ყაველაშვილმა.