ა(ა)იპ „ჩემი ადვოკატი“ თბილისის მერიის პროექტია, რომელიც თბილისის მოსახლეობას სრულიად უსასყიდლოდ სამართლებრივი საკითხების გადაჭრაში ეხმარება. ორგანიზაცია სამოქალაქო და ადმინისტრაციული სამართლის მიმართულებით მუშაობს და როგორც სასამართლო დოკუმენტაციის შედგენაში უწევს მოქალაქეს დახმარებას ისე სასამართლო და ადმინისტრაციულ ორგანოებში ახორციელებს წარმომადგენლობას.
იურიდიული კლინიკის „ჩემი ადვოკატი“ ოფისებს 2022 წლის იანვარი-ივნისის პერიოდში სამართლებრივი დახმარების მიღების მიზნით 7 ათასზე მეტი მომართვა განხორციელდა.
საანგარიშო პერიოდში რაიონული გამგეობების ოფისების მიხედვით, ყველაზე მეტი მომართვიანობა დაფიქსირდა ნაძალადევისრაიონში, შემდგომ გლდანში და ისანში. გაწეული კoნსულტაციების თემატიკების მიხედვით, ყველაზე მეტი მომმართვა სოციალურ საკითხებზე, უძრავი ქონების, სასარჩელო და სახელშეკრულებო დავებზე მოდის..
რაც შეეხება ორგანიზაციის დისტანციურ კონსულტაციას 2022 წლის 6 თვეში სატელეფონო ცხელ ხაზზე მომართვიანობამ 4,981 შეადგინა.
„ჩემი ადვოკატი“-ს საგანმანათლებლო მიმართულებით არსებულ სტატისტიკას, 6 თვის განმავლობაში, ორგანიზაციაში პრაქტიკული საგანანათლებლო კურსი 94სტუდენტმა პრაქტიკანტისა და მოხალისის სტატუსით გაიარა. სტუდენტები პრაქტიკისა და სტაჟირების გავლის დროს, თეორიულ ცოდნას პრაქტიკულ საქმიანობაში გარდასახავენ, ერთვებიან მოქალაქეების რეალური პრობლემების გადაწყვეტაში, აღნიშნული საქმიანობით საადვოკატო გამოცდილებასა და უნარ-ჩვევებს იძენენ.