ჟურნალისტი ბონდო მძინარაშვილი ‘სუს”-ის უფროსის ყოფილი მოადგილის სოსო გოგაშვილის დაკავებას სოციალურ ქსელში ეხმაურება:
“სოსო გოგაშვილი სახელმწიფო უსაფრთხოების სამსახურის უფროსის პირველი მოადგილე იყო.
როდესაც ფანჯრიდან დაინახა სპეცრაზმი, გამოსულიყო და ჩამჯდარიყო მანქანაში წყნარად, – არ იცოდა, რომ იქიდან ხელცარიელი არ წავიდოდნენ?!
ამ შემთხვევაში, შინაარსთან ერთად, ფორმასაც უდიდესი მნიშვნელობა აქვს:
ამხელა თანამდებობის პირს (თუნდაც ყოფილს!) ასე ნარკობარიგასავით რომ გადაუგრიხავენ ხელებს, ძალიან დიდი დაცემაა მისთვის!
თუ დაიბარეს, დაუყოვნებლივ უნდა გამოცხადებულიყო სუსში, – ეს წივილ-კივილი რაღა იყო?!
ჰო, დაკავების ვიდეო სუსს არ გაუვრცელებია, გოგაშვილის მეუღლის გადაღებულია.
P. S. სპეცსამსახურის ხელმძღვანელს კი არა, ნებისმიერ თანამშრომელს პასუხისმგებლობა გააზრებული აქვს და სამსახურიდან წასვლის შემდეგაც, როგორც წესი, ენას კბილს აჭერს.
თუმცა, მე პროფესიონალებს და სპეცსამსახურის სპეციფიკისთვის აუცილებელ პროფესიონალიზმს ვგულისხმობ!” – წერს მძინარაშვილი