Skip to content
19/11/2026
  • კონტაქტი
  • ჩვენ შესახებ
მარშალპრესი

მარშალპრესი

ახალი ამბების სააგენტო

banner
Primary Menu
  • პოლიტიკა
  • საზოგადოება
  • მედია
  • სამართალი
  • შემთხვევა
  • უცხოეთი
  • რეგიონები
  • ინფრასტრუქტურა
  • კულტურა

„სამი სხეულის ამოცანა“ ეკრანებზე იანვარში დაბრუნდება

მარშალ პრესი 19/11/2026
„სამი სხეულის ამოცანა“ ეკრანებზე იანვარში დაბრუნდება

Netflix-მა ლიუ ცისინის რომანის მიხედვით გადაღებული ფანტასტიკური სერიალის, „სამი სხეულის ამოცანის“ მეორე სეზონის ოფიციალური თიზერ-თრეილერი გამოაქვეყნა. შოუს გაგრძელების პრემიერა 2027 წლის 14 იანვარს შედგება – პირველი სეზონის გამოსვლიდან თითქმის სამი წლის შემდეგ.თიზერი ლაკონიური და შემაშფოთებელი გამოვიდა: ეკრანზე ჩნდება გზავნილი, რომელიც სტილისტურად ლიუ ცისინის რომანიდან ტრისოლარისელებთან მოლაპარაკებებს მოგვაგონებს: „გამარჯობა. დიდი ხანია არ გვისაუბრია. მაგრამ ჩვენ მთელი ამ ხნის განმავლობაში გაკვირდებოდით“. ეს ფრაზა პირდაპირი მინიშნებაა წიგნის სიუჟეტზე: სამი ვარსკვლავის სისტემაში მდებარე პლანეტის უცხოპლანეტელები ათწლეულების განმავლობაში აკვირდებიან დედამიწას, შემდეგ კი უცხოპლანეტური ფლოტი მზის სისტემისკენ იძვრის და კაცობრიობას უწევს მოემზადოს შეხვედრისთვის, რომელიც ცივილიზაციის ბედს გადაწყვეტს.

მეორე სეზონი ტრილოგიის „მოგონებები დედამიწის წარსულზე“ ეკრანიზაციას გააგრძელებს და მას საფუძვლად მეორე რომანი – „ბნელი ტყე“ დაედება. სერიალის შემქმნელების, დევიდ ბენიოფისა და დ. ბ. ვაისის თქმით, თხრობა კიდევ უფრო დაძაბული გახდება: მოვლენები უფრო მასშტაბურ სახეს მიიღებს, კონფლიქტები კი კოსმოსურს. როლებს მაყურებლისთვის პირველი სეზონიდან ნაცნობი მსახიობები შეასრულებენ: ჯეს ჰონგი, ბენედიქტ ვონგი, ეისა გონსალესი, ლიამ კანინგემი და სხვები.პირველი სეზონი 2024 წლის მარტში გამოვიდა, შვიდი კვირა გაატარა Netflix-ის გლობალურ ტოპ-10-ში, 44 ქვეყნის ჩარტებს ჩაუდგა სათავეში და 46,6 მილიონი ნახვა დააგროვა.

Post navigation

Previous: „თავიდანვე ვამბობდი, რომ Starlink-ი სამოქალაქო სისტემაა. ის არ არის განკუთვნილი შეტევითი დრონებით დარტყმებისთვის, რომელთა შედეგადაც ადამიანები იღუპებიან. თუ ამის გაკეთება გსურთ, ამისთვის არსებობს Starshield – ცალკე სისტემა, რომელსაც აშშ-ის მთავრობა აკონტროლებს. მაგრამ ნუ მთხოვთ მე, როგორც კერძო პირს, მივიღო გადაწყვეტილებები ადამიანების ლიკვიდაციის შესახებ“ – ილონ მასკი ზელენსკის ტყუილში ადანაშაულებს
Next: საქართველოს სახელმწიფო უსაფრთხოების სამსახურის უფროსი თამაზ ბორაშვილი, დელეგაციასთან ერთად, ოფიციალური ვიზიტით აზერბაიჯანის რესპუბლიკას ეწვია
f გამოგვყევი Facebook-ზე ↗

  • კონტაქტი
  • ჩვენ შესახებ
  • კონტაქტი
  • ჩვენ შესახებ
2015-2026 | MARSHALPRESS - მარშალპრესი.