Skip to content
16/11/2026
  • კონტაქტი
  • ჩვენ შესახებ
მარშალპრესი

მარშალპრესი

ახალი ამბების სააგენტო

banner
Primary Menu
  • პოლიტიკა
  • საზოგადოება
  • მედია
  • სამართალი
  • შემთხვევა
  • უცხოეთი
  • რეგიონები
  • ინფრასტრუქტურა
  • ბოლო სიახლე
  • საზოგადოება

პაატა სალია: როგორც კი ინფორმაცია გასაჯაროვდა, იმავე წუთს იყო მითითება გენინსპექციის მიმართ, რომ დაეწყოთ გამოძიება

მარშალ პრესი 16/11/2026
paata salia

„არის ერთი მნიშვნელოვანი საკითხი – იუსტიციის სამინისტროს როლი მას შემდეგ, რაც ინფორმაცია საჯაროდ გახდა ცნობილი. როგორც კი ინფორმაცია გასაჯაროვდა იმავე წუთს იყო მითითება გენინსპექციის მიმართ, რომ დაეწყოთ გამოძიება ამ საკითხთან დაკავშირებით. მიუხედავად იმისა, რას აცხადებდა პენიტენციური სამსახური, ჩვენ ვაწარმოებდით გამოძიებას“, – ამის შესახებ იუსტიციის მინისტრმა პაატა სალიამ პენიტენციური სამსახურის ყოფილი ხელმძღვანელისა და სხვა პირების მიმართ ბრალის წაყენების შესახებ მედიის მიერ დასმული კითხვის საპასუხოდ განაცხადა.

მინისტრის თქმით, ახლა სასამართლომ უნდა დაადგინოს, არიან თუ არა ეს პირები დამნაშავეები.

„მოგეხენებათ, რომ ეს ადამიანები დღეს არ არიან თანამდებობაზე, ხოლო რაც შეეხება სისხლისსამართლებრივ პასუხისმგებლობას, ეს უკვე პროკურატურის საქმეა. იმისთვის, რომ არ გაჩენილიყო რაიმე კითხვა, რომ იგივე უწყება იძიებს მისი სტრუქტურული ერთეულის ხელმძღვანელის პასუხისმგებლობის საკითხს, ეს საქმე გადავეცით პროკურატურას, რათა ობიექტურად წარიმართოს გამოძიება. დაველოდოთ შედეგებს. ამ ეტაპზე ვიცით, რომ მათ ბრალი წარედგინათ, მოვისმინეთ გარკვეული დეტალები, თუმცა, ეს ყველაფერი – კიდევ ერთხელ არ დავარღვევ უდანაშაულობის პრეზუმფციას – სასამართლომ უნდა დაადგინოს, არიან ეს პირები დამნაშავეები, თუ არა. ჩემი პოლიტიკური პასუხისმგებლობა არის სწორედ ის, რომ მყისიერი, ადეკვატური რეაქცია მქონდეს ნებისმიერ დარღვევაზე, რაც სისტემაში მოხდება, და ხელი შევუწყო გამოძიების სწორად წარმათვას“, – განაცხადა იუსტიციის მინისტრმა პაატა სალიამ.

Post navigation

Previous: მე ვწყვეტ შაბათის მარშში მონაწილეობას – თამუნა გიორგაძე
Next: პაატა სალიამ ბიზნესასოციაციის მიერ ორგანიზებულ კონფერენციაზე იუსტიციის სამინისტროს ინოვაციური სერვისები წარადგინა
f გამოგვყევი Facebook-ზე ↗

  • კონტაქტი
  • ჩვენ შესახებ
  • კონტაქტი
  • ჩვენ შესახებ
2015-2026 | MARSHALPRESS - მარშალპრესი.