გურიის მხარეში სახელმწიფო რწმუნებული გიორგი ღურჯუმელიძე, ოზურგეთის მუნიციპალიტეტის მერის მოვალეობის შემსრულებელი გია ანთაძე და საკრებულოს თავმჯდომარე დავით დარჩია ქალაქ ოზურგეთში მერაბ კოსტავას ქუჩაზე მდებარე მრავალბინიანი საცხოვრებელი სახლის ფასადის რეაბილიტაციისა და სპორტული მოედნის მშენებლობის პროცესს გაეცნენ. Z
სახელმწიფო რწმუნებულმა და ადგილობრივი თვითმმართველობის ხელმძღვანელმა პირებმა დაათვალიერეს, ასევე, დოლიძის ქუჩაზე მდებარე საჭიდაო დარბაზში მიმდინარე სამუშაოები. სამივე პროექტი რეგიონებში განსახორციელებელი პროექტების ფონდისა და ოზურგეთის მერიის ფინანსური მხარდაჭერით ხორციელდება, რისთვისაც, ჯამში, 1 377 000 ლარზე მეტი დაიხარჯება.