დიდუბის რაიონის გამგეობა გ. ცაბაძის ქუჩის №4-ში, პირველი სადარბაზოს ამორტიზებული სატვირთო ლიფტის რეაბილიტაციას ახორციელებს. ანალოგიური სამუშაოები ამ ეტაპზე, კიდევ 10 მისამართზე მიმდინარეობს.
სამუშაოების მიმდინარეობას ადგილზე დიდუბის რაიონის გამგებელი დავით გელოვანი გამგებლის მოადგილე მამუკა ვეკუასთან ერთად გაეცნო.
ლიფტების რეაბილიტაცია ბინათმესაკუთრეთა ამხანაგობების განვითარების ხელშეწყობის პროექტის ერთ-ერთი პრიორიტეტული მიმართულებაა, რადგან უშუალოდ უსაფრთხოებასა და კომფორტს უკავშირდება. გამგეობაში ამხანაგობების მხრიდან მაღალი მომართვიანობაც სწორედ ამ საკითხის მნიშვნელობაზე მიუთითებს.