გურიის მხარეში სახელმწიფო რწმუნებულმა გიორგი ღურჯუმელიძემ მუნიციპალიტეტების ხელმძღვანელ პირებთან რეგიონში მიმდინარე საკითხები განიხილა.
შეხვედრაზე თვითმმართველობების 2027 წლის ბიუჯეტების ფორმირებაზე ისაუბრეს. განიხილეს პრიორიტეტების დოკუმენტი, რომელსაც კანონმდებლობით დადგენილი წესით, მუნიციპალიტეტის აღმასრულებელი ორგანო, სახელმწიფო რწმუნებულის ადმინისტრაციასთან კონსულტაციით ადგენს.
„მუნიციპალიტეტები მომავალი წლის ბიუჯეტის ფორმირების დასკვნით ეტაპზე გადადიან. პროცესში მონაწილე ყველა მხარე საკუთარი კომპეტენციის ფარგლებში აქტიურად არის ჩართული, რათა საბოლოოდ მივიღოთ ისეთი დოკუმენტი, რომელშიც ადგილობრივი მოსახლეობის საჭიროებები და ადმინისტრაციული ერთეულების განვითარების პრიორიტეტული მიმართულებები მაქსიმალურად იქნება გათვალისწინებული“, – აღნიშნა სახელმწიფო რწმუნებულმა.