საქართველოს პრემიერ-მინისტრის ინიციატივის – „ჩემი პირველი ნერგის“ ფარგლებში, გურიის მხარეში სახელმწიფო რწმუნებულმა გიორგი ღურჯუმელიძემ, ოზურგეთის მუნიციპალიტეტის ხელმძღვანელ პირებთან ერთად, გამწვანების აქციაში მიიღო მონაწილეობა. პროექტის მიზანია, ახალგაზრდები ადრეული ასაკიდან აქტიურად იყვნენ ჩართული გარემოსდაცვით საქმიანობაში და პრაქტიკული მონაწილეობა მიიღონ მწვანე სივრცეების განახლებასა და აღდგენაში.
პროგრამა „ჩემი პირველი ნერგი“ საქართველოს გარემოს დაცვისა და სოფლის მეურნეობის სამინისტროს, სსიპ გარემოსდაცვითი ინფორმაციისა და განათლების ცენტრის, საქართველოს განათლების, მეცნიერებისა და ახალგაზრდობის სამინისტროს, სახელმწიფო რწმუნებულების ადმინისტრაციებისა და მუნიციპალიტეტების ჩართულობით ხორციელდება.