შინაგან საქმეთა სამინისტრომ 2024 წელს წიწამურთან მომხდარი აფეთქების საქმე გახსნა. სამართალდამცველებმა ერთი პირი დააკავეს, რომელსაც დამამძიმებელ გარემოებაში ჩადენილი განზრახ მკვლელობა და ჯანმრთელობის დაზიანება ედება ბრალად.
გამოძიების ინფორმაციით, ბრალდებულმა 2024 წლის 5 ნოემბერს, მცხეთის მუნიციპალიტეტის სოფელ წიწამურის მიმდებარედ, საავტომობილო გზასთან უკანონოდ შეძენილი ხელყუმბარა დაამონტაჟა. მისი მტკიცებით, ორი მოქალაქე აღნიშნულ ადგილზე განზრახ შეცდომაში შეყვანის გზით მიიყვანა.
მათი მისვლის შემდეგ ასაფეთქებელი მოწყობილობა ამოქმედდა. აფეთქების შედეგად ერთი მამაკაცი ადგილზე დაიღუპა, მეორე კი მძიმე დაზიანებებით საავადმყოფოში გადაიყვანეს.
შსს-ს ცნობით, ბრალდებული 9 ნოემბერს თბილისში დააკავეს.
გამოძიება სისხლის სამართლის კოდექსის 19-109-ე და 236-ე მუხლებით მიმდინარეობს. აღნიშნული მუხლები 20 წლამდე ან უვადო თავისუფლების აღკვეთას ითვალისწინებს.