გურიის მხარეში სახელმწიფო რწმუნებული გიორგი ღურჯუმელიძე და ლანჩხუთის მუნიციპალიტეტის მერი ალექსანდრე სარიშვილი ლანჩხუთის მუნიციპალიტეტის ნიგოითის ადმინისტრაციულ ერთეულში იმყოფებოდნენ, სადაც ძლიერი წვიმის შედეგად დაზიანებულ ინფრასტრუქტურას გაეცნენ.
ნიგოითის ადმინისტრაციულ ერთეულში დაზიანდა შიდა გზები, სანიაღვრე არხები და ნაპირსამაგრები, ხოლო რამდენიმე ადგილას მეწყრული პროცესები განვითარდა.
მუნიციპალიტეტის შესაბამისი სამსახურების ოპერატიული მუშაობის შედეგად, უკვე გაწმენდილია
გზები და მიმდინარეობს სანიაღვრე
არხების მოწესრიგება.
მიყენებული ზიანის საბოლოო შეფასების შემდეგ, დაზიანებული ინფრასტრუქტურის აღდგენითი სამუშაოები დაიწყება.