ზურა ჯაფარიძე თურქეთის აეროპორტში დააკავეს და ხვალ საქართველოში გამოაბრუნებენ. ინფორმაციას პარტია “ალდე” ავრცელებს.
“შეშფოთებით შევიტყვეთ, რომ ზურაბ გირჩი ჯაფარიძე, ALDE-ის წევრი პარტიის — „გირჩი — მეტი თავისუფლების“ ლიდერი, თურქეთის აეროპორტში დააკავეს, საკანში მოათავსეს, ჩამოართვეს პასპორტი და ბარგი, ხოლო ხვალ საქართველოში გამოაბრუნებენ.
ის ტრანზიტით მიემგზავრებოდა ბრიუსელში, სადაც მიწვეული იყო და მონაწილეობა უნდა მიეღო „Renew Europe“-ის ლიდერთა სამიტში.
ვწუხვართ, რომ ის ვერ შეძლებს სამიტში მონაწილეობას, და ვგმობთ იმ ფაქტს, რომ მსგავსი ზეწოლა კვლავ ხორციელდება იმ ოპოზიციური პარტიების საქმიანობასა და გადაადგილებაზე, რომლებიც საკუთარი ქვეყნის ევროპული და დემოკრატიული მომავლისთვის იბრძვიან” – ნათქვამია პარტიის ინფორმაციაში.