„თითქოს ყველა ამბობს, რომ საქართველოს რუსეთთან ზედმეტ კონფრონტაციაში ყოფნა არ სურს, მაგრამ ყველა აქტორი, ამა თუ იმ ფორმითა და მინიშნებით, საქართველოს მეტი კონფრონტაციისკენ უბიძგებს“, – აცადებს „ქართული ოცნების“ დეპუტატი ირაკლი ქადაგიშვილი.
მისივე თქმით, ქვეყნის შიგნით თუ გარეთ, საქართველოს წინააღმდეგ მიმართული კამპანია არ სრულდება.
„არის სხვადასხვა მესიჯი, სხვადასხვა გზავნილი და ფონის შექმნა – ისეთი სურათის დახატვა, რომ საქართველო სეპარირებულია საერთაშორისო საზოგადოების პოზიციისგან და რაღაცნაირად აფილირებულია რუსეთის პოზიციასთან. ამაზე, მათ შორის უცხოეთში, ჩვენი ოპონენტები ღიად ლაპარაკობენ. რა თქმა უნდა, ამის დამადასტურებლად არაფერი არ აქვთ, გარდა იმისა, რომ ამ განცხადებებით აქ, რადიკალური ოპოზიცია იკვებება. რადიკალური ოპოზიციის გეგმა, იგივე ევროკომისიის 12-პუნქტიანი რეკომენდაციების შესრულებაზე არის – არა!“, – განაცხადა ირაკლი ქადაგიშვილმა.