დიდუბის რაიონის გამგეობა დიღმის მასივის მე-5 კვარტლის №5 და №5ა კორპუსების მიმდებარედ 50-მდე უსახური ავტოფარეხის დემონტაჟს ახორციელებს.
რაიონის მასშტაბით მსგავსი სამუშაოები ეტაპობრივად ტარდება. ამ დროისთვის, უკვე 150-მდე ავტოფარეხია აღებული.
დემონტაჟის შედეგად გათავისუფლებული ტერიტორიები ეტაპობრივად მოწესრიგდება და ადგილობრივი მოსახლეობის საჭიროებებზე დაყრდნობით, კეთილმოწყობილ სივრცეებად გადაიქცევა.
ადგილზე სამუშაოების მიმდინარეობას დიდუბის რაიონის გამგებელი დავით გელოვანი და თბილისის საკრებულის დიღმის მასივის მაჟორიტარი დეპუტატი შოთა ქევხიშვილი დაესწრნენ, რომლებმაც ადგილობრივ მცხოვრებლებს სამომავლო გეგმები გააცნეს.