მიხეილ სარჯველაძე „ნაციონალურ მოძრაობაზე“: წააგეს არჩევნები და რას აანონსებენ, ერთადერთ ანონსად შეგვიძლია განვიხილოთ, რომ ძალმომრეობითი მეთოდები აქვთ ჩანაფიქრში

წააგეს არჩევნები, „ქართულმა ოცნებამ“ ძალიან სერიოზული უპირატესობით გაიმარჯვა და აანონსებენ რას, ერთადერთ ანონსად შეგვიძლია განვიხილოთ, რომ ძალმომრეობითი მეთოდები აქვთ ჩანაფიქრში, თორემ არჩევნების გზით ეს ხალხი ვერ იმარჯვებს – განაცხადა უმრავლესობის წევრმა მიხეილ სარჯველაძემ „საზოგადოებრივი მაუწყებლის“ ეთერში.

სარჯველაძემ არასერიოზული უწოდა „ნაცმოძრაობის“ წევრის ლევან ხაბეიშვილის განცხადებას გაზაფხულისთვის ხელისუფლების შეცვლისა და კოალიციური მთავრობით ჩანაცვლების შესახებ.

„გახსოვთ ალბათ რიტორიკა, რომლითაც „ნაციონალური მოძრაობა“ ამ არჩევნებში შემოდიოდა, ამბობდნენ, რომ ეს არჩევნები იქნება ყველაფრის ინდიკატორი, ძალიან მაღლა ასწიეს ამ არჩევნების მნიშვნელობის თამასა, ახლა როდესაც დამარცხდნენ, ამბობენ, რომ ამას მნიშვნელობა არ ჰქონია და შემდგომი ნაბიჯები იქნება მნიშვნელოვანი. წააგეს არჩევნები, „ქართულმა ოცნებამ“ მართლა ძალიან სერიოზული უპირატესობით გაიმარჯვა და აანონსებენ რას, ერთადერთ ანონსად შეგვიძლია განვიხილოთ, რომ ძალმომრეობითი მეთოდები აქვთ ჩანაფიქრში, თორემ არჩევნების გზით ეს ხალხი ვერ იმარჯვებს. არ ვიცი, რას აანონსებენ და საზოგადოების მხრიდან რომელ მხარდაჭერაზე საუბრობენ, როდესაც სამართლიანად, მშვიდ გარემოში ჩატარებული არჩევნების შედეგი არის ისეთი, როგორიც არის“- განაცხადა მიხეილ სარჯველაძემ.

ცესკომ ბათუმის შუალედური არჩევნების წინასწარი პირველადი მონაცემები გამოაქვეყნა. „ნაციონალური მოძრაობის“ კანდიდატმა, მათე ფუტკარაძემ ხმების 31% მოიპოვა, „ქართული ოცნების“ კანდიდატმა, რამაზ ჯინჭარაძემ კი – 69%.