უცხოეთის მოქალაქეზე სახელმწიფოს ეძლევა საშუალება, რომ ე.წ. „უდოს კომისიამ“, პირობით ვადამდე გათავისუფლების დროს გაძევება გამოიყენოს სხვა სასჯელებს შორის, – ამის შესახებ ვიცე-პრემიერმა, სამართალდამცავი ორგანოების კოორდინაციის საკითხებში სახელმწიფო მინისტრმა მამუკა მდინარაძემ ტელეკომპანია „იმედის“ გადაცემა „ღია ეთერში“ განაცხადა.
მამუკა მდინარაძემ უპასუხა შეკითხვას შინაგან საქმეთა სამინისტროს საკანონმდებლო ინიციატივაზე, რომელიც საფუძველს ქმნის, რომ უცხო ქვეყნის მოქალაქე, მსჯავრდებული, გაძევებული იქნას ქვეყნიდან.
„პირობით ვადამდე გათავისუფლების პირობებში სასჯელი მსუბუქით რომ შეეცვლება, ჩაემატა გაძევება მხოლოდ, რა შუაშია სააკაშვილი. უცხოეთის მოქალაქეზე სახელმწიფოს ეძლევა საშუალება, რომ ე.წ. „უდოს კომისიამ“, პირობით ვადამდე გათავისუფლების დროს გაძევება გამოიყენოს სხვა სასჯელებს შორის, არა შინაპატიმრობა, არა ე.წ. სამაჯური, არამედ გაძევება. რა შუაში იყო ვერ მივხვდი, ამხელა კამპანია ააგეს“, – აღნიშნა მამუკა მდინარაძემ.