„რეგიონული შეხვედრები გრძელდება. მიმდინარე ეტაპზე ჩვენ ვიმყოფებით ქალაქ რუსთავში და ვხვდებით ქვემო ქართლელ ახალგაზრდებს“-განაცხადა „ქართული ოცნების“ ახალგაზრდული ორგანიზაციის ბორდის წევრმა, თეკლა თიკანაშვილმა.
მან საუბრისას რეგიონის პოტენციალზე გაამახვილა ყურადღება და აღნიშნა, რომ დასაქმების, განათლების და სხვადასხვა მიმართულებით რეგიონს განვითარების მეტი პერსპექტივა აქვს. „რეგიონს აქვს მნიშვნელოვანი პოტენციალი განათლების, დასაქმების, სპორტული მიმართულებით განვითარების და ჩვენ გვინდა და ჩვენი მთავარი ამოცანაა, რომ ახალგაზრდებთან მჭიდრო კომუნიკაციით გავიგოთ, თუ რა სჭირდებათ მათ და ეს პოტენციალი, ეს შესაძლებლობები გახდეს უფრო მეტად მორგებული მათზე“-აღნიშნა თიკანაშვილმა.